یارمەتی و هاوکاری بۆ گەڕانەوە بۆ وڵات

چۆن داوای یارمەتی پێشکەش بکەم؟

پەیوەندیمان پێوە بکە بە نامەیەکی وەتسئەپ یان بە تەلەفۆنکردن بۆ ژمارە: 050 413 8625. گفتوگۆ لەسەر بارودۆخەکەت دەکەین و پێکەوە فۆڕمی داواکەت پڕ دەکەینەوە و دڵنیا دەبینەوە کە مەرجەکانی گەڕانەوەی ئارەزوومەندانە پڕدەبنەوە. داواکارانی مافی پەنابەری داوای یارمەتیی گەڕانەوە لەو ناوەندی پێشوازی (کەمپ)ە دەکەن کە وەکو نەفەری ئەوێ ناونووس کراون.

ڕێکخستنی کارەکانی گەڕانەوە چەند دەخایەنێت؟

ماوەی ڕێکخستنی گەڕانەوە بۆ نموونە بەندە بە، وڵاتی مەبەست بۆ گەڕانەوە و ئەو بەڵگەنامانەی کە بۆ ئەوێ پێویستن. ئەگەر هەموو بەڵگەنامە پێویستەکانت هەبێت، ڕێکخستنی گەڕانەوە لانیکەم دوو هەفتەی دەوێت. ئەگەر بەڵگەنامە و ڕوونکردنەوەیەکی زۆری پێویست هەبێت بۆ گەڕانەوە، ڕەنگە کارەکانی ڕێکخستنەکە چەند مانگێکی پێ بچێت.

یارمەتیی گەڕانەوە لە چی پێکدێت؟

یارمەتیی گەڕانەوە بریتییە لە تێچووی گەشت، ڕێکخستنی گەشت و یارمەتی بۆ دووبارە ئاوێتەبوونەوە لە وڵاتەکەدا، کە دەکرێت یان یارمەتیی پارە بێت یانیش بەشێوەی سوودمەندی بێت.

ئەو یارمەتیە داراییەی کە بۆ هاوکاریی گەڕانەوە دەدرێت لە چی پێکدێت؟

دەتوانرێت ئەو یارمەتییە وەک یارمەتی نەختینە یان وەک یارمەتی سوودمەندی بدرێت.

یارمەتی نەختینە واتە پارەی کاش، کە ٢٠٠ یۆرۆی لە فینلەندا دەدرێت و ئەوەی تری لە وڵاتی گەڕانەوە دەدرێت.

یارمەتیی سوودمەندی واتە خزمەتەکان و شتومەک، یان ئەو سوودمەندیانەی کە یارمەتیدەرن بۆ دووبارە ئاوێتە بوونەوە لە وڵاتەکەدا. دەتوانیت یارمەتیی سوودمەندی بەکاربهێنیت بۆ نموونە بۆ بەدەستهێنانی شوێن یان شتومەک بۆ بنیانتانی کارێکی سەربەخۆ ، بۆ کرێی خانوو، بۆ پێدانی کرێی ساڵانەی خوێندن لە خوێندنگەیەکدا، یان بۆ کڕینی ئەو خزمەتانەی کە پەیوەندییان بە تەندروستیەوە هەیە.

کێ گەڕانەوەکە ڕێکدەخات؟

میگری یان ناوەندی پێشوازی و ڕێکخراوی نێودەوڵەتی کۆچ IOM ، گەڕانەوە و یارمەتیەکە بە گشتی ڕێکدەخەن. لایەنە حکومییەکانی دیکە وەکو حکومەتی وڵاتەکەی خۆت بەشداری لە ڕێکخستنەکاندا ناکەن.

چەندێک یارمەتیم پێ دەدرێت؟

يحدد القانون الفنلندي حدود الدعم. يختلف مقدار الدعم حسب شكل الدعملە لە یاسای فینلەندادا سنوور دیاری کراوە بۆ یارمەتی. بڕی یارمەتی بەپێی شێوەی یارمەتی و وڵاتی مەبەست بۆ گەڕانەوە دەگۆڕێت. بەپێی وڵاتەکان، یارمەتی پارەی کاش ٢٠٠ – ١٥٠٠ یۆرۆیە و یارمەتی سوودمەندیش ٣٠٠٠ – ٥٠٠٠ یۆرۆیە. زانیاری زیاتر لەسەر چەندێتی یارمەتیەکە  دەتوانرێت لەم لاپەڕەیەی یارمەتییەکان بدۆزیتەوە؛ ؛  Avustukset maittain – Maahanmuuttovirasto (migri.fi).

کێ بۆی هەیە یارمەتیی گەڕانەوە وەربگرێت؟

پێشمەرجەکانی وەرگرتنی یارمەتی بریتین لە گەڕانەوەی هەمیشەیی و پێویستی بە یارمەتی. گەڕانەوەی هەمیشەیی واتە پێویستە لەسەرت ئەو داوایانەی کە بۆ مافی پەنابەری یان مۆڵەتی مانەوە (ئیقامە) پێشکەشت کردووە یان ئەگەر سکاڵات پێشکەش کردبێت بکشێنیتەوە. هەروەها پێویستە لەسەرت بگەڕێیتەوە بۆ ئەو وڵاتەی کە دەتوانیت یان بە نیازیت لە دوای گەڕانەوەت لێی بمێنیتەوە. تەنها لەو کاتەدا یارمەتی وەردەگریت کە خۆت توانای دابینکردنی تێچووی گەشتەکەت نەبێت. لە بنەڕەتدا ناتوانیت چەندین جار یارمەتی گەڕانەوە وەربگریت، بۆیە ئەگەر پێشتر یارمەتی گەڕانەوەت وەرگرتبێت بۆ گەڕانەوە لە ئەوروپا ناتوانیت جارێکی دیکە وەریبگریتەوە.

ئایا دەتوانم باوەڕ بەوە بکەم کە ئەو یارمەتییە داراییانەی کە بەشێکن لە هاوکاریی گەڕانەوە لە دوای گەڕانەوەم بۆ ولاتەکەم پێم دەدرێت؟  

بەڵێ دەتوانیت. یارمەتیەکە هەمیشە لە وڵاتی خۆتدا لە ڕێگەی دەزگایەکی متمانەپێکراو و پشتڕاستکراوەوە ڕێکدەخرێت. بۆ نموونە دەسەڵاتدارانی وڵاتی خۆت دەستوەردان لە ڕێکخستنی یارمەتییە سوودمەندیەکان ناکەن. فەرمانگەی کۆچ و IOM چاودێریی پێدانی پارەی یارمەتیەکەت دەکەن لە وڵاتی خۆتدا و تۆش دەتوانیت دوای گەڕانەوەشت بۆ وڵاتی خۆت پەیوەندی بە فەرمانگەی کۆچ یان IOM ەوە  بکەیت.